Fabula на фестывалі рэкламы AD.NAK!

30.06.2014
Поделиться:

Тры ўзнагароды і шорт-ліст

Шчырасць, самабытнасць, весялосць – менавіта гэтымі словамі можна ахарактарызаваць пяты Фестываль беларускамоўнай рэкламы і камунікацыі AD.NAK!, які прайшоў у Мінску напрыканцы чэрвеня. Цудоўныя людзі, выбітныя праекты і – новыя ўзнагароды ў скарбонцы кампаніі Fabula Branding!

ADNAK.jpg

Нашыя працы-пераможцы

2-е месца ў намінацыі "Этыкетка і ўпакоўка": "Ветлінка"

Дызайн упакоўкі прэміяльнай маркі эксклюзіўных мясных біяпрадуктаў грунтуецца на беларускіх каштоўнасцях і ўвасоблены ў рэканструяваных дэталях адзення і побыту, прамаляваных ў адпаведнасці з гістарычнай традыцыяй.

Кожная з чатырох сюжэтных ліній распавядае сваю гісторыю і адлюстроўвае канцэпт “ветлівасці”.

Fabula_Vetlinka.jpg

3-е месца ў намінацыі "Этыкетка і ўпакоўка" : "YESці"

Лексічная і фанетычная гульня на міжмоўным узроўні ў нэйме, адмысловыя аўтарскія ілюстрацыі і характэрная бела-чырвоная палітра з арнаментам надаюць распрацаванай гандлёвай марцы асаблівы народны каларыт вясёлага і шумнага свята, калі за аднім сталом збіраецца ўся сям'я. Нацыянальныя традыцыі праз прызму добрага і лагоднага гумару, без напышлівасці і маралізатарства.

Fabula_Yesti.jpg

2-е месца ў намінацыі "Графічны і камунікацыйны дызайн": "ФаБулка Велікодная"

На мінулы Вялікдзень Fabula падаравала сваім сябрам і кліентам святочныя сюрпрызы: булкі і пернікі ручной работы, а таксама паштоўку-фабулку.
Так, адно з галоўных хрысціянскіх святаў беларусаў стала добрай нагодай разам успомніць пра нашу мову, цудоўную культуру і своеасаблівае адчуванне свету.

Fabula_Fabulka.jpg

Шорт-ліст:  "Князь Рыбанька"

Выбітны прыклад моўнай гульні, якая ў адным дыскурсе звязала прадуктовую катэгорыю і легендарную гістарычную асобу – Міхала Казіміра Радзівіла Рыбаньку, заснавальніка слуцкай мануфактуры. Тым больш, што ўся прадукцыя брэнда – ад селядца да чырвонай рыбы – была вельмі любімай у шляхецкім асяроддзі.

Fabula_Ribanka.jpg
 
Адзначым, што крэатыўны дырэктар Fabula Branding Вольга Кашкан была ў журы фестывалю па шэрагу намінацый, а таксама выступіла з дакладам пра тэндэнцыі ў беларускамоўным брэндынгу ў межах фестывальнай адукацыйнай праграмы.