Бабіна лета
Праект, які атрымаў бронзу Pentawards. Яркі нейм, аўтарскія фатаграфіі беларускіх бабуль, цёплыя колеры і восеньскі патэрн.
![Бабіна лета-picture-49448 Бабіна лета-picture-49448](/upload/resize_cache/iblock/8f3/hgb3feppt861ctvxnymi8l53u27kxyd4/454_302_2/bl_penta.jpg)
Прадукт — беларуская бульба вышэйшага гатунку. Мэта, якая стаяла перад намі падчас распрацоўкі гандлёвай маркі, — падкрэсліць сумленны і дбайны падыход вытворцы да сваёй справы, стварыць вобраз адборнага, вырашчанага з любоўю прадукту, і такім чынам вылучыць тавар на паліцы.
![Бабіна лета-picture-25993 Бабіна лета-picture-25993](/upload/resize_cache/iblock/2e8/454_302_2/2e87fbc20dc2e68dfe915094a0722c30.jpg)
![Бабіна лета-picture-25994 Бабіна лета-picture-25994](/upload/resize_cache/iblock/2e6/454_302_2/2e62e66b1b5c329c2916c6cd28000284.jpg)
![Бабіна лета-picture-25995 Бабіна лета-picture-25995](/upload/resize_cache/iblock/51a/454_302_2/51ab7d60360e2f0cbd1af401a19af167.jpg)
![Бабіна лета-picture-25996 Бабіна лета-picture-25996](/upload/resize_cache/iblock/1b4/454_302_2/1b452d8bdfd14bdb4889f2d47f2a0d3b.jpg)
![Бабіна лета-picture-25997 Бабіна лета-picture-25997](/upload/resize_cache/iblock/04e/454_302_2/04e687fc6bc1b8c512e9fd8da23c1a5e.jpg)
У нас не было сумневаў у тым, што брэнд будзе нацыянальна арыентаваным: беларусы славяцца не толькі сваёй любоўю да бульбы, але і ведамі, досведам, экспертнасцю ў вырошчванні і прыгатаванні гэтага прадукту — справах, якія сталі, па сутнасці, сакральнай традыцыяй шматлікіх пакаленняў.
Беларускамоўны нэйм «Бабіна лета» распавядае пра прыгожую пару, калі напачатку кастрычніка на некалькі дзён ці нават на тыдзень нібыта вяртаецца лета — чароўны перыяд напрыканцы збору ўраджаю бульбы.
Галоўным стылеўтваральным элементам дызайн-канцэпту выступаюць чорна-белыя фота брэнд-персанажаў — вясковых бабуль, тых самых носьбітаў традыцыі, досведу, ведаў і любові. Іх вобразы падтрымліваюць нэйм і разам з ім адлюстроўваюць галоўныя ідэі пазіцыянавання — экспертнасць і душэўнасць. Важна адзначыць, што на здымках, зробленых фатографам агенцыі спецыяльна для праекта, не акторкі, а сапраўдныя беларускія гаспадыні ў звычайных для іх жыццёвых абставінах — сітуацыях, звязаных з вырошчваннем і прыгатаваннем бульбы. Імёны і партрэты бабуль на ўпакоўках паўстаюць сімваламі якасці прадукту. А каб яшчэ больш падкрэсліць ідэю экспертнасці, мы зрабілі ўпакоўку як мага болей інфармацыйна насычанай, змясціўшы на ёй карысныя характарыстыкі бульбы, рэкамендацыі па прыгатаванні кожнага асобнага гатунку і рэцэпты народных страў — праўдзівыя і правераныя пакаленнямі.
Лаканічнасць і мінімалізм чорна-белага фотаздымку стварае кантраст з насычаным колерам фону, дапоўненым далікатным патэрнам на тэму «бабінага лета». Гэта надае ўпакоўцы выразнасць і прэміяльны выгляд, вылучае яе на паліцы. Як і вытанчаная тыпаграфіка, фігурная плашка прадуктовай зоны, а таксама аўтарскія значкі інфаграфікі, выкананыя ў гравюрным стылі.
Відавое адрозненне адбываецца па фонавым колеры і фотаздымку з персанажам — кожная бабуля раіць асобны гатунак. Як вынік, свежае і арыгінальнае для катэгорыі рашэнне дазволіла прыцягнуць увагу да новага прадукту і ўдала адмежавацца ад канкурэнтаў.
![Бабіна лета-picture-25990 Бабіна лета-picture-25990](/upload/resize_cache/iblock/bde/454_302_2/bde64714dc85b53c282ee93fe9abe786.jpg)
![Бабіна лета-picture-25991 Бабіна лета-picture-25991](/upload/resize_cache/iblock/438/454_302_2/438adef042251657dc659339f7ffd4e7.jpg)
![Бабіна лета-picture-25992 Бабіна лета-picture-25992](/upload/resize_cache/iblock/b53/454_302_2/b53ded253b60be65baa8ada3e6f4123e.jpg)